Philippians 4

1Vɔa fifia nɔvi vévé’o ké mù lɔnaà, miàwo ké nyi jijɔɛ nye kudo fiɔkuku nye, le mɔ kea jia mi like sɛsɛɖe le Tɔhonɔ me, ehlɔ nye lɔlɔ tɔwo.

2Mù lé biɔ so Evoɖia gbɔ, eye so Sɛtike ca gbɔ, be mia ɖo sùsù deka le Tɔhonɔ me. 3Nyawo toto mea mu le ji so ewo ca ke nyi ehadɔwotɔ veve nyea gbɔ,be ado alɔ nyɔnu keawo, do wo du aya kudom le aŋɛnyuɛ’a be kãkã me kudo klema eye hadɔwɔtɔ kpɔtɔɛwo ke wo ca be nyiko le agbé be xoma mé.

4Mikpɔ jijɔɛ le Tɔhonɔ me gasiagame; Mu gba le gblɔ be mi kpɔ jijɔɛ. 5Miabe xomefaa nɔna amewo kpata do la jesi. Tɔhonɔ le miagbɔ. 6Mi gba ciji ɖo ŋɖekpekpe ŋti’o ,vɔa sɔ to kuefãwo kudo blibɔ-blibɔ mi gblɔ miabe kuxɛ’o na Mawu eye mi ɖo akpe ne. 7Eye Tɔhonɔ be ŋtifafa, ke wu gɔmesese wo kpata ŋtia, ne jɔ miabe ji kudo sùsù wo ŋti le Kristo me.

8Sɔ wu enu’a, nɔviwo, enu kewo nyi nyawo’a, enu kewo nyi asihɔhɔ’a , enu kewo nyi jijɔɛ, enu kewo kɔ, enu kewo je na lɔlɔã, enu kewo nyi dase dudu nyuiɛ, ne amenu jeje ɖe le eme’a eye ne kafukafu ɖe le eme’a, mi butame so enu keawo ŋtia. 9Mi wɔ enukewo mi kpla so gbɔnye, mi hɔ, mi se eye mi kpɔ le gbɔ nyea, eye Tɔhonɔ be ŋtifafa ne nɔ ku mi.

10Mu kpɔ jijɔɛ gãɖe le Tɔhonɔ me do fifia mi trɔ wɔ miabe sùsùwo yeye ke mi sɔɖe le eme namu’a. Mɔ nu kpɔkpɔ ɖe mu nɔ miasi ne mia teŋ sɔ kpeɖo ŋtinye wo. 11Nye mu le kpɔ ehiã nye wo,vɔa mu kpla ɖokoe nye be enu kele asinyea ne je ŋume na mu. 12Mu nya agbenɔnɔ le ehiã me, eye kudo cã agbenɔnɔ le sugbɔsùsù mé lé émɔ ɖekpekpe ji a mu kplaa nuwlɔawlɔa le enu le enu su amesi loo,aloo le adɔ wuame me, le enusugbɔ loo, alo le hiã me. 13mu te wɔ nusianu sɔ to ameke do nam ŋsɛ a ji.

14Vɔa fifia, mi woɛ nyuieɖe ɖoa mima nu kudom le kuhɛwome. 15Mia Filipitɔwo’a mi nya nyuiɛɖe be mu jo le Makedonia, habɔbɔɖe nu hɔm le enu nana alo enu hɔla me si be nɔnɔme me to le mia ŋuti’o. 16Walɛbɛ ke mu wɔ Tɛsalonikaa mi kpe ɖo ŋti nye le ape hiãhiã wu zeɖeka. 17Mu nyi be mu le ji la xɔ enuɖe le mia si o, vɔa mu le ji be kusɛsɛ ɖe ne so ekea me va na mi.

18Mu ɖo enuwo kem le gbɔsusu me mu ɖo fuu enuke mi sɔ ɖoɖa mu to Epafrodito jia su asi nye. Enu kea wo nyi enuvivi kewo’e huɛ blibliblia ke nyi vɔsa ke ye Mawu xɔ na eye be jena ŋkume ne. 19Eye Mawu nye la na miabe hiãhiãwo keŋu la su mia si sɔ zɔɖo yebe adɔkunu le yebe gogo me. 20So fifia gogo na Mawu mia tɔ kaka sɔyi. Amen.

21Mi dogbe na amesiame kewo nyi Kristo Yesu tɔ. Nɔvinyewo kewo le kudom wo dogbe na mi. 22Kristotɔwo kpata kewo le tepe kea wo dogbe ɖoɖa mi, vevetɔa Caesaro efiɔ de axome tɔ wo.

23Tɔhonɔ Yesu Kristo be maje ne nɔ kudo mi’a be gbɔgbɔ.